XORIJDA YAShAYOTGAN O`ZBEKISTON RESPUBLIKASI FUQAROLARI VA FUQAROLIGI BO`LMAGAN ShAXSLARNI VAQTINChA KONSULLIK RO`YXATIGA INTERAKTIV KONSULLIK XIZMATLARI ELEKTRON TIZIMI ORQALI OLIShNING QADAMMA-QADAM TARTIBI
Xorijga xizmat safariga, o`qishga, uzoq vaqt davolanishga, ishga va o`z oilasi bilan birlashish uchun olti oydan ortiq muddatga chiqib ketgan va O`zbekistonda doimiy ro`yxatda turgan O`zbekiston Respublikasi fuqarolari va fuqaroligi bo`lmagan shaxslar O`zbekistonning xorijdagi diplomatik yoki konsullik vakolatxonalarida vaqtincha konsullik ro`yxatiga olinadilar.
1. O`zbekiston Respublikasi fuqarolari va fuqaroligi bo`lmagan shaxslarni vaqtincha konsullik ro`yxatiga olish uchun ro`yxatga olish kartasi to`ldiriladi (elektron anketa shaklida).
2. Elektron anketaning har bir ustuni to`liq ma`lumotlar bilan to`ldirilgan holda haqiqiy deb hisoblanadi. Elektron anketaga quyidagi hujjatlarning skanerlangan nusxalari ilova qilinadi, yuklangan larning har biri 100 kb dan oshmasligi kerak:
- hujjat uchun foydalaniladigan fotosurat (3,5x4,5);
- amaldagi pasport (nobiometrik, biometrik, xorijga chiqish biometrik pasporti namunadagi);
- 16 yoshga to`lmagan bolalarning tug`ilganlik to`g`risidagi guvohnomasi, pasporti (biometrik yoki xorijga chiqish biometrik pasporti) bo`lmagan taqdirda;
- arizachining xorijiy davlat qonunchiligi talablariga muvofiq bo`lib turishining qonuniyligini tasdiqlovchi hujjat (viza, yashab turish hujjati, vaqtincha yashashga ruxsatnoma, pasportdagi tegishli qaydlar, ma`lumotnomalar va b.);
- arizachining xorijga xizmat safariga chiqib ketganligini tasdiqlovchi buyruq yoki xizmat safari guvohnomasining nusxasi;
- arizachining xorijda o`qishini tasdiqlovchi o`qish joyidan ma`lumotnoma yoki boshqa hujjatlar;
- arizachining xorijga uzoq muddatga davolanishga chiqib ketganligini tasdiqlovchi O`zbekiston Respublikasi yoki bo`lib turgan mamlakat tibbiyot muassasasi tomonidan berilgan tibbiy hujjatlar (tibbiy ma`lumotnoma, tibbiy muassasa taklifnomasi va b);
- arizachining xorijga ishlashga chiqib ketganligini tasdiqlovchi ish joyidan ma`lumotnoma yoki mehnat shartnomasidan nusxa;
- nikoh tuzilganligi to`g`risida guvohnomaning (oilasi bilan birlashish maqsadida xorijga chiqib ketgan fuqarolar uchun) hamda voyaga yetmagan bolalarning tug`ilganlik to`g`risidagi guvohnomalari (birgalikdagi nikohdan bolalar bo`lganda) nusxalari.
3. Elektron anketa to`ldirilib, kerakli hujjatlar biriktirilganidan so`ng, “yuborish” belgisini bosish va kompyuter ekranida PDF shaklida elektron anketa paydo bo`lishi bilan uni bosmalash kerak.
- pasport (biometrik, nobiometrik namunadagi), xorijga chiqish biometrik pasporti yoki harakatlanish hujjati;
4. Bosmalangan Anketa O’zbekistonning xorijdagi tegishli diplomatic yoki konsullik vakolatxonasiga kerakli xujjatlar to’plami bilan yuboriladi. Agar barchasi to’g’ri bo’lsa, 3 kun ichida ariza beruvchiga vaqtincha konsullik ro’yxatiga olinganlik togrisida xabarnoma yuboriladi. Agar taqdim etilgan hujjatlar o`rnatilgan talablarga javob bermasa, ariza beruvchiga 3 kun ichida yetishmayotgan hujjatlarni yuborish yoki boshqa tegishli ma`lumot to`g`risida xabar beriladi.
5. Tasdiq xabari arizachiga yuborilgan taqdirda, xabarnomani bosmalab, pasportning ichida saqlash lozim. Unda quyidagi malumotlar mavjud bo’ladi: shtrix-kod, ariza beruvchining toliq ism-sharifi, konsullik royxatining turi (vaqtincha), royxatga olish raqami va sanasi, konsullik ro`yxatiga qabul qilgan xorijdagi muassasaning nomi.
6. O`zbekiston Respublikasining “Konsullik ustavi”ga asosan, O`zbekistonning xorijdagi diplomatic yoki konsullik vakolatxonalari tomonidan qo’shimcha talablar qo’yilishi mumkin.